UK Suddi
The news is by your side.

ನೀಲಿ ಕೆಂಪಾದವು ದೇಶದಂಗಳ.

ನೆತ್ತರೂ ನೆಲಕ್ಕೆ ಬಿದ್ದು ಮುಲುಗುವಾಗ                             ಅರ್ಥ ಮರ್ಥ ಆಕಾಶದ ಚಂದ್ರನ ಕಣ್ಣೂ ಒದ್ದೆಯಾಗಿ         ಮಸುಕಾದ  ಚುಕ್ಕಿಗಳು ಎದೆ ಹರಿದು ಒಳಹೊಕ್ಕು ಬಚ್ಚಿಟ್ಟುಕೊಳ್ಳುವಾಗ                       
ಮೂಲೆಯಲ್ಲಿಯ ನಾಯಿ ಕುಂಯ್ ಗುಟ್ಟಿ ಮೂಲೆಹಿಡಿದು ರೋಧಿಸಿ  ಜೊಂಪು ಹೊಡೆಯುವಾಗ 

ಅಲ್ಲಿ ಅವ್ವನ ಸೀರೆ ಸೆರಗಿನ ಚುಂಚೂ ಕಣ್ಣೀರಲ್ಲಿ ಬೆಂದು ಆಕಾಶ ಹರಿಯುವ ಹಾಗೆ ಚೀತ್ಕರಿಸಿ ಕರುಳಲ್ಲಿ ಕತ್ತರಿ ಆಡುತ್ತದೆ.

ಗೋಡೆ ಮೇಲಿನ  ಕಣ್ಣು ಕಟ್ಟಿದ ಬೊಂಬೆ ಮೂಕವಾಗಿ ಕಿಸಕ್ಕನೆ ನಕ್ಕು ಅಣಕಿಸಿ                                       ಅಂಕದ ಪರದೆಗೆ ತಯ್ಯಾರಿ ಹೂಡಿರುವಾಗ               ಕಂಕುಳಲ್ಲಿನ ಲಾಠಿ ಮೂಲೆ ಸೇರಿ ಸ್ಥಬ್ಧವಾಗಿದೆ

ಇಲ್ಲಿ ಬೀದಿ ಬೀದಿಗೂ ನೀಲಿ ಕೆಂಪು ರಂಗೇರಿ                     ಗರಬಡಿದ ಬಾಯಿಗೆ ಬೀಗಮುದ್ರೆಯ ಮುಖವಾಡ           ಎರಡೂ ಜಡೆಯ ಹುಡುಗಿ ಅಪ್ಪಟ ಕನಸುಗಳ ವಾರಸುದಾರಣಿಯ ನೆತ್ತರು ಕುಡಿದ ದುರುಳ ಖೂಳರಲ್ಲದೆ ನಿನ್ನಕ್ಕಂದಿರ ಸಾವಿನ ಚುಕ್ತ ಆಗುವವರೆಗೂ           ನೀನಾಡಿದ ಅಂಗಳ ಬೀದಿ                                             ಇಡೀ ದೇಶದ ಮಾನವೀಯತೆಯೇ ಕೆಂಪಾಗಿವೆ       ಕೊಂದಹವರುಳಿದರೆ .?

ಈ ನೆಲದ ಕಣ್ಣೀರಿಗೂ ದನಿ ಬರುವವರೆಗೂ.                   ಈ  ನೆಲದ ಕಣ್ಣೀರಿಗೂ ದನಿ ಬರುವರೆಗೂ.   

                           

-ರೇಣುಕಾ ಹೆಳವರ.

Comments