UK Suddi
The news is by your side.

ರುದ್ರಾಕ್ಷಿಯ ಮಹತ್ವ ತಿಳಿದುಕೊಳ್ಳಿ.

ರುದ್ರಾಕ್ಷಿಧಾರಣೆ :

ಶಿವನ ಪೂಜೆಯನ್ನು ಮಾಡುವಾಗ ಕೊರಳಿನಲ್ಲಿ ರುದ್ರಾಕ್ಷಿಮಾಲೆಯನ್ನು ಅವಶ್ಯವಾಗಿ ಹಾಕಿಕೊಳ್ಳಬೇಕು. ನಾಥ ಸಂಪ್ರದಾಯ ಹಾಗೂ ವಾಮ ಸಂಪ್ರದಾಯದವರು ಮತ್ತು ಕಾಪಾಲಿಕರು ರುದ್ರಾಕ್ಷಿಯ ಮಾಲೆಯನ್ನು ವಿಶೇಷವಾಗಿ ಉಪಯೋಗಿಸುತ್ತಾರೆ. ಯೋಗಿಗಳೂ ರುದ್ರಾಕ್ಷಿಯ ಮಾಲೆಯನ್ನು ಧರಿಸುತ್ತಾರೆ.
‘ರುದ್ರಾಕ್ಷ’ ಶಬ್ದದ ವ್ಯುತ್ಪತ್ತಿ ಮತ್ತು ಅರ್ಥ
‘ರುದ್ರಾಕ್ಷ’ ಎಂಬ ಶಬ್ದವು ‘ರುದ್ರಅಕ್ಷ’ ಎಂಬ ಎರಡು ಶಬ್ದಗಳಿಂದ ರೂಪುಗೊಂಡಿದೆ.
‘ರುದ್ರಾಕ್ಷ’ ಶಬ್ದಕ್ಕೆ ಮುಂದಿನ ಅರ್ಥಗಳಿವೆ
೧. ಅಕ್ಷ ಎಂದರೆ ಕಣ್ಣು. ರುದ್ರ್ಚಅಕ್ಷ ಎಂದರೆ ಯಾವುದು ಎಲ್ಲವನ್ನೂ ನೋಡಬಲ್ಲದೋ ಮತ್ತು ಮಾಡಬಲ್ಲದೋ ಅದು ರುದ್ರಾಕ್ಷ (ಉದಾ.ಮೂರನೆಯ ಕಣ್ಣು). ಅಕ್ಷ ಎಂದರೆ ಅಕ್ಷರೇಖೆ. ಕಣ್ಣು ಒಂದೇ ಅಕ್ಷರೇಖೆಯ ಸುತ್ತಲೂ ತಿರುಗುತ್ತದೆ, ಆದುದರಿಂದ ಅದಕ್ಕೆ ಅಕ್ಷ ಎನ್ನುತ್ತಾರೆ.
೨. ರುದ್ರ ಎಂದರೆ ಅಳುಮುಖದವನು. ‘ಅ’ ಎಂದರೆ ತೆಗೆದುಕೊಳ್ಳುವುದು ಮತ್ತು ‘ಕ್ಷ’ ಎಂದರೆ ಕೊಡುವುದು, ಅಕ್ಷವೆಂದರೆ ತೆಗೆದುಕೊಳ್ಳುವ ಅಥವಾ ಕೊಡುವ ಕ್ಷಮತೆ. ರುದ್ರಾಕ್ಷವೆಂದರೆ ಅಳುವವನಿಂದ ಅವನ ದುಃಖವನ್ನು ತೆಗೆದುಕೊಳ್ಳುವ ಹಾಗೂ ಅವನಿಗೆ ಸುಖವನ್ನು ಕೊಡುವ ಕ್ಷಮತೆಯಿರುವವನು.
ರುದ್ರಾಕ್ಷಿಯ 14 ಪ್ರಕಾರಗಳು :
1) ಏಕ ಮುಖಿ ರುದ್ರಾಕ್ಷಿ: ಈ ರುದ್ರಾಕ್ಷಿಯಲ್ಲಿ ನೈಸರ್ಗಿಕವಾಗಿ ಒಂದೇ ಒಂದು ಶಿರ ಬರುತ್ತದೆ. ಅದಕ್ಕೆ ಇದನ್ನು ಏಕಮುಖಿ ಎಂದು ಗುರುತಿಸಲ್ಪಡುತ್ತದೆ. ಇದಕ್ಕೆ ರಂಧ್ರ ಇರುವುದಿಲ್ಲ. ಇದರಲ್ಲಿ ಸ್ವಯಂ ಶಿವನು ವಿರಾಜಮಾನವಾಗಿರುತ್ತಾನೆ. ಇದರ ವಿಶೇಷ ಏನೆಂದರೆ ಇದರ ದರ್ಶನದಿಂದ ಮನುಷ್ಯನ ಕಲ್ಯಾಣವಾಗುತ್ತದೆ. ಇದನ್ನು ಸಾಕ್ಷಾತ್ ಶಿವನ ಸ್ವರೂಪ ಎಂದು ಹೇಳುತ್ತಾರೆ. ಇದರ ಪೂಜೆ ಮತ್ತು ಧಾರಣೆಯಿಂದ ಸರ್ವ ಪಾಪ ಪರಿಹಾರವಾಗುತ್ತದೆ. ಮತ್ತೊಂದು ವಿಶೇಷವೆಂದರೆ ಬ್ರಹ್ಮಹತ್ಯಾ ಎಂಬ ಮಹಾಪಾಪವು ನಷ್ಟವಾಗುವುದು. ಯಾವ ಮನೆಯಲ್ಲಿ ಏಕಮುಖಿ ರುದ್ರಾಕ್ಷಿ ಇರುವುದೋ ಅಲ್ಲಿ ಸಕಲ ಸುಖ ಸೌಭಾಗ್ಯ ಲಭಿಸುವುದು.
2) ದ್ವಿಮುಖಿ ರುದ್ರಕ್ಷಿ: ಈ ರುದ್ರಾಕ್ಷಿಯಲ್ಲಿ ಪ್ರಾಕೃತಿಕವಾಗಿ ಎರಡು ಶಿರಗಳಿರುತ್ತವೆ. ಅಂದರೆ ಅರ್ಧ ನಾರೀಶ್ವರ ಸ್ವರೂಪ ಇರುತ್ತೆ. ಇದರಲ್ಲಿ ಶಿವ ಮತ್ತು ಶಕ್ತಿಯ ರೂಪ ಇರುತ್ತದೆ. ಇದರ ಧಾರಣೆಯಿಂದ ಶಿವ ಮತ್ತು ಪಾರ್ವತಿ ಪ್ರಸನ್ನರಾಗುತ್ತಾರೆ. ಗೋಹತ್ಯಾ ಪಾಪದಿಂದ ಮುಕ್ತಿ ಸಿಗುತ್ತದೆ. ಮನಸ್ಸು ಸ್ಥಿರವಾಗುತ್ತದೆ. ಈ ರುದ್ರಾಕ್ಷಿಯು ಹಿಮಾಲಯ ಪರ್ವತದಲ್ಲಿ ಸಿಗುತ್ತದೆ.
3) ತ್ರಿಮುಖಿ ರುದ್ರಾಕ್ಷಿ : ಈ ರುದ್ರಾಕ್ಷಿಯಲ್ಲಿ ಪ್ರಾಕೃತಿಕವಾಗಿ ಮೂರು ಧಾರಿಗಳಿರುತ್ತವೆ. ಈ ರುದ್ರಾಕ್ಷಿಯನ್ನು ಅಗ್ನಿ ಸ್ವರೂಪ ಎಂದು ಹೇಳುತ್ತಾರೆ. ಇದರಲ್ಲಿ ಸತ್ಯ, ರಜ, ತಮ, ಗುಣಗಳ ತ್ರಿಗುಣಾತ್ಮಕ ಶಕ್ತಿ ಇರುತ್ತದೆ. ಅದಕ್ಕೆ ವಿದ್ಯಾರ್ಥಿಗಳಿಗೆ ಶಿಕ್ಷಣದಲ್ಲಿ ಲಾಭ ಕೊಡುತ್ತದೆ. ಇದನ್ನು ಧರಿಸಿದರೆ ಮನಸ್ಸಿನಲ್ಲಿ ದಯ, ಧರ್ಮ, ಪರೋಪಕಾರ ಭಾವನೆ ಹೆಚ್ಚುತ್ತದೆ ಮತ್ತು ಪರಸ್ತ್ರೀ ಗಮನ ಪಾಪ ನಾಶವಾಗುತ್ತದೆ.
4) ಚತುರ್ಮುಖಿ ರುದ್ರಾಕ್ಷಿ: ಈ ರುದ್ರಾಕ್ಷಿಯಲ್ಲಿ ಪ್ರಾಕೃತಿಕ ನಾಲ್ಕು ಧಾರಿಗಳಿವೆ. ಅದಕ್ಕೆ ಇದನ್ನು ಚತುರ್ಮುಖ ಬ್ರಹ್ಮ ದೇವರ ಸ್ವರೂಪ ಎಂದು ಹೇಳುತ್ತಾರೆ. ಇದನ್ನು ಚಿಕ್ಕ ಮಕ್ಕಳು ಧರಿಸಿದರೆ ವಿದ್ಯಾವೃದ್ಧಿಯಾಗುವುದು. ವಯಸ್ಕರು ಧರಿಸಿದರೆ ಆರೋಗ್ಯ ಸುಧಾರಿಸಿ, ರೋಗ ದೂರವಾಗುತ್ತದೆ. ನಾಸ್ತಿಕನು ಆಸ್ತಿಕ ಆಗುವನು ಮತ್ತು ನರಹತ್ಯಾ ಎಂಬ ಮಹಾಪಾಪವು ದೂರವಾಗುತ್ತದೆ.
5) ಪಂಚಮುಖಿ ರುದ್ರಾಕ್ಷಿ: ಈ ರುದ್ರಾಕ್ಷಿಯಲ್ಲಿ ಪ್ರಾಕೃತಿಕವಾಗಿ ಐದು ಧಾರಿಗಳಿರುತ್ತವೆ. ಅದಕ್ಕೆ ಇದನ್ನು ಪಂಚಮುಖಿ ಎಂದು ಕರೆಯುತ್ತಾರೆ. ಈ ರುದ್ರಾಕ್ಷಿಯನ್ನು ಲಿಂಗವಂತರು ಹೆಚ್ಚು ಬಳಸುತ್ತಾರೆ ಮತ್ತು ವಿಶೇಷವಾಗಿ ಕರ್ನಾಟಕದಲ್ಲಿ ಹೆಚ್ಚಾಗಿ ನೋಡಲು ಸಿಗುತ್ತದೆ. ಕಾರಣ ಪಂಚಾಚಾರ್ಯರ ಪಂಚಮುಖಗಳು ಇರುವುದರಿಂದ *ಸದ್ದ್ಯೋಜ್ಯಾತ * ವಾಮದೇವ * ಅಘೋರ * ತತ್ಪುರುಷ * ಈಶಾನ.
ಶಿವನ ಈ ಐದು ರೂಪಗಳು ಪಂಚಮುಖಿಯಲ್ಲಿ ವಾಸವಾಗಿವೆ. ಈ ರುದ್ರಾಕ್ಷಿಯನ್ನು ಧರಿಸಿದರೆ ಮನಸ್ಸು ಶುದ್ಧ ಮತ್ತು ಶಾಂತವಾಗಿರುತ್ತದೆ. ಸರ್ವ ದುಃಖ ದೋಷ ಪರಿಹಾರವಾಗುತ್ತವೆ ಮತ್ತು ಕಾಲಾಗ್ನಿಯ ಪ್ರತೀಕವಾಗಿರುತ್ತದೆ. ಇದನ್ನು ಕನಿಷ್ಠವಾಗಿ 3-5 ಸಂಖ್ಯೆಗಳಲ್ಲಿ ಧರಿಸಬೇಕು.
6) ಷಷ್ಠ ಮುಖಿ ರುದ್ರಾಕ್ಷಿ: ಈ ರುದ್ರಾಕ್ಷಿಯಲ್ಲಿ ಪ್ರಾಕೃತಿಕವಾಗಿ ಆರು ಧಾರಿಗಳಿವೆ. ಈ ರುದ್ರಾಕ್ಷಿಯಲ್ಲಿ ಶಿವನ ಪುತ್ರ ಕಾರ್ತಿಕನ ಶಕ್ತಿ ಇದೆ. ಕಾರ್ತಿಕನು ಯಾವಾಗಲೂ ವಿರಾಜಮಾನವಾಗಿರುತ್ತಾನೆ. ಇದು ವಿದ್ಯಾ, ಬುದ್ಧಿ ಮತ್ತು ಜ್ಞಾನವನ್ನು ಪ್ರಾಧಾನ್ಯ ಮಾಡುತ್ತದೆ ಮತ್ತು ಆರು ಗುಣಗಳಾದ ಕಾಮ, ಕ್ರೋಧ, ಲೋಭ, ಮೋಹ, ಮಧ ಹಾಗೂ ಮಾತ್ಸರ್ಯಗಳನ್ನು ನಷ್ಟ ಮಾಡುತ್ತದೆ. ಇದರಿಂದ ಚರ್ಮ ರೋಗ ದೂರವಾಗುತ್ತದೆ. ಇದನ್ನು ಧರಿಸಿದರೆ ಅಧ್ಯಾತ್ಮ ಬುದ್ಧಿ ವೃದ್ಧಿಯಾಗುತ್ತದೆ.
7) ಸಪ್ತ ಮುಖಿ ರುದ್ರಾಕ್ಷಿ: ಪ್ರಾಕೃತಿಕವಾಗಿ ಈ ರುದ್ರಾಕ್ಷಿಯಲ್ಲಿ 7 ಧಾರಿಗಳಿವೆ. ಆದ್ದರಿಂದ ಇದನ್ನು ಸಪ್ತ ಋಷಿಗಳ ಸ್ವರೂಪ ಎಂದು ಹೇಳುತ್ತಾರೆ. ಸಪ್ತ ದೇವಿಗಳಾದ ಬ್ರಾಹ್ಮಿಣಿ, ಮಹೇಶ್ವರಿ, ಕೌಮಾರಿ, ವೈಷ್ಣವಿ, ಚಾಮುಂಡೇಶ್ವರಿ, ಇಂದ್ರಾಣಿಯ ಅನ್ನಪೂರ್ಣೇಶ್ವರಿ ಈ ದೇವಿಗಳ ದಿವ್ಯ ಶಕ್ತಿಗಳ ಪ್ರತೀಕವಾಗಿರುತ್ತದೆ. ಇದನ್ನು ಧರಿಸಿದರೆ ವ್ಯಾಪಾರ ಮತ್ತು ನೌಕರಿ ಉನ್ನತಿಯಾಗುತ್ತದೆ. ಇದರಿಂದ ಸಂಪೂರ್ಣ ಸ್ತ್ರೀ ಸುಖ ಸಿಗುತ್ತದೆ ಹಾಗೂ ಕಳ್ಳತನದಿಂದ ಶ್ರಾಪಿತನಾಗಿದ್ದರೆ ಶಾಪ ಪರಿಹಾರವಾಗುತ್ತದೆ.
8) ಅಷ್ಠ ಮುಖಿ ರುದ್ರಾಕ್ಷಿ: ಪ್ರಾಕೃತಿಕವಾಗಿ ಈ ರುದ್ರಾಕ್ಷಿಯಲ್ಲಿ ಎಂಟು ಧಾರಿಗಳಿವೆ. ಅದಕ್ಕೆ ಇದನ್ನು ಅಷ್ಠಮುಖಿ ಎನ್ನುತ್ತಾರೆ. ಇದು ಸಾಕ್ಷಾತ್ ಶ್ರೀ ಗಣೇಶನ ಸ್ವರೂಪವಾಗಿರುತ್ತದೆ ಮತ್ತು ಅಷ್ಠ ದಿಕ್ಪಾಲಕರ ಪ್ರತೀಕವಾಗಿರುತ್ತದೆ. ಇದನ್ನು ಉಪಯೋಗಿಸಿದರೆ ಆರೋಗ್ಯ ಮತ್ತು ಶಾರೀರಿಕವಾಗಿ ಸದೃಢವಾಗಿರುತ್ತಾರೆ. ಆಕಸ್ಮಿಕ ಅಪಘಾತಗಳಿಂದ ತಪ್ಪಿಸಿಕೊಳ್ಳಲು ಸಹಾಯ ಮಾಡುತ್ತದೆ. ಸಂಕಟದಲ್ಲಿ ರಕ್ಷಣೆ ಸಿಗುತ್ತದೆ ಹಾಗೂ ಅನ್ನ, ಧನ, ಧರ್ಮ, ಸುವರ್ಣ ವೃದ್ಧಿಯಾಗುತ್ತದೆ. ದುಷ್ಟ ಸ್ತ್ರೀ ಗಮನ ಪಾಪ ಪರಿಹಾರವಾಗುತ್ತದೆ.
9) ನವಮುಖಿ ರುದ್ರಾಕ್ಷಿ: ಪ್ರಾಕೃತಿಕವಾಗಿ ಇದರಲ್ಲಿ 9 ಧಾರಿಗಳು ಬರುತ್ತವೆ. ದುರ್ಗೆಯ 9 ಶಕ್ತಿಗಳು ಇದರಲ್ಲಿ ಪೂರ್ಣವಾಗಿ ವಿರಾಜಮಾನವಾಗಿವೆ. ದೇವಿಮಾತೆಯ ಉಪಾಸನೆಯನ್ನು ಮಾಡುವವರು ಇದನ್ನು ಬಳಸಬಹುದು. ವಿಶೇಷವಾಗಿ ಗಂಡ-ಹೆಂಡತಿ ಅಥವಾ ತಂದೆ-ಮಗನ ನಡುವೆ ಭಿನ್ನಾಭಿಪ್ರಾಯ ಇದ್ದರೆ ದೂರವಾಗುತ್ತವೆ. ಮನೆಯಲ್ಲಿನ ಸರ್ವ ಪಾಪ ಕರ್ಮದೋಷವನ್ನು ದೂರ ಮಾಡುತ್ತದೆ.
10) ದಶಮುಖಿ ರುದ್ರಾಕ್ಷಿ: ಪ್ರಾಕೃತಿಕವಾಗಿ ಇದರಲ್ಲಿ 10 ಧಾರಿಗಳಿವೆ. ಈ ರುದ್ರಾಕ್ಷಿಯು ಶ್ರೀ ಮಹಾ ವಿಷ್ಣುವಿನ ಸ್ವರೂಪ ಎಂದು ಹೇಳುತ್ತಾರೆ. ಕಾರಣ ಇದು ದಶಾವತಾರದ ಪ್ರತೀಕವಾಗಿದೆ. ಇದನ್ನು ಧರಿಸಿದರೆ ದಿವ್ಯ ಶಕ್ತಿ ಪ್ರಾಪ್ತವಾಗುತ್ತದೆ ಮತ್ತು ರಾಜಕೀಯ ವ್ಯಕ್ತಿಗಳ ಇದನ್ನು ಉಪಯೋಗಿಸಿದರೆ ಸರ್ವ ಶತ್ರುಗಳ ಮೇಲೆ ವಿಜಯ ಪ್ರಾಪ್ತ ಮಾಡಬಹುದು.
11) ಏಕದಶ ಮುಖಿ ರುದ್ರಾಕ್ಷಿ: ಪ್ರಾಕೃತಿಕವಾಗಿ ಇದರಲ್ಲಿ 11 ಧಾರಿಗಳಿರುತ್ತವೆ. ಶಿವನ 11ನೇ ರೂಪವಾದ ಸಾಕ್ಷಾತ್ ಶ್ರೀ ಹನುಮಂತನ ಸ್ವರೂಪವಿರುತ್ತದೆ. ದಾನ, ಧರ್ಮ ಮಾಡುವ ಪ್ರತೀಕ ಗುಣ ಇದರಲ್ಲಿರುತ್ತದೆ. ಈ ರುದ್ರಾಕ್ಷಿಯನ್ನು ಧರಿಸಿದರೆ ಸಹಸ್ರ ಅಶ್ವಮೇಧ ಯಾಗ ಮಾಡಿದಂತಿರುತ್ತದೆ. ದೀರ್ಘಾಯುಷಿಗಳಾಗುತ್ತಾರೆ.
12) ದ್ವಾದಶ ಮುಖಿ ರುದ್ರಾಕ್ಷಿ: ಪ್ರಾಕೃತಿಕವಾಗಿ ಇದರಲ್ಲಿ 12 ಧಾರಿಗಳಿರುತ್ತವೆ. ಈ ರುದ್ರಾಕ್ಷಿಯಲ್ಲಿ ಸಾಕ್ಷಾತ್ ಸೂರ್ಯ ದೇವನ ಸ್ವರೂಪವಿರುತ್ತದೆ. ಸಕಲ ಜೀವಿಗಳಿಗೆ ರಕ್ಷಣೆ ಕೊಡುವಂತಹ ಶಕ್ತಿ ಇರುತ್ತದೆ. ಇದನ್ನು ಧರಿಸಿದರೆ ದ್ವಾದಶ ಜ್ಯೋತಿರ್ಲಿಂಗಗಳ ದರ್ಶನ ಮಾಡಿದಷ್ಟು ಪುಣ್ಯ ಸಿಗುತ್ತದೆ. ಪ್ರಾಣಿ ಹತ್ಯಾ ಪಾಪ ಪರಿಹಾರವಾಗುತ್ತದೆ.
13) ತ್ರಯೋದಶಿ ಮುಖಿ ರುದ್ರಾಕ್ಷಿ: ಪ್ರಾಕೃತಿಕವಾಗಿ ಇದರಲ್ಲಿ 13 ಧಾರಿಗಳಿರುತ್ತವೆ. ದೇವಲೋಕದ ರಾಜನಾದ ಇಂದ್ರ ದೇವನ ಸ್ವರೂಪವಿರುತ್ತದೆ. ಇದರಿಂದ ಸರ್ವ ಸುಖ ಭೋಗಿಸುವರು. ನರಹತ್ಯಾ ಎಂಬ ಮಹಾದೋಷ ಪರಿಹಾರವಾಗುತ್ತದೆ.
14) ಚತುರ್ದಶ ಮುಖಿ ರುದ್ರಾಕ್ಷಿ: ಪ್ರಾಕೃತಿಕವಾಗಿ ಇದರಲ್ಲಿ 14 ಧಾರಿಗಳಿರುತ್ತವೆ. ಇದು ಶಿವನ ನೇತ್ರದಿಂದ ಉತ್ಪನ್ನವಾಗುತ್ತದೆ. ಸ್ವಲ್ಪ ಸಮಯದಲ್ಲಿ ಹೆಚ್ಚು ಫಲಕಾರಿಯಾಗಿ ಶುಭ ಫಲ ನೀಡುತ್ತದೆ. ಇದು ಒಂದು ದೇವಮನಿ ಇದ್ದಂತೆ. ಸರ್ವ ಇಚ್ಛಾ ಪೂರ್ಣ ಮಾಡುವಂತಹ ಶಕ್ತಿ ಇದರಲ್ಲಿದೆ.

Comments